Юрак куйса, қандайин кулай?
Дардим қандай оромга улай?
Садоқатга, майли, қул бўлай!
Гар соғинсам сени, на қилай!

Қай гуллардан висолинг сўрай,
Қаерларга юзимни бурай,
Қай қушлар-ла мен суҳбат қурай,
Гар соғинсам сени, на қилай?

Сабрим тоғи нурай бошласа,
Ул туфайли кўзим ёшласа,
Гумон жонга қармоқ ташласа,
Гар соғинсам сени, на қилай?

Гул бермасга армон бўлмоққа,
Қарорим йўқ бундайин қолмоққа,
Асло тоқат қилмам толмоққа...
Гар соғинсам сени, на қилай?

Юрак куйса, қандайин кулай?

Читайте далее на [bad word]  [bad [bad word] gar-soginsam-%D0%B3%D0%B0%D1%80-%D1%81%D0%BE%D2%93%D0%B8%D0%BD%D1%81%D0%B0%D0%BC.html#1peugyTdFlVhVZB2.99