Малх бара з1аьнаршца хьо соьга вуьйцуш,
Олхазарш йиш лоькхуш декара кура,
Хьо вевза де дара ирсе со хеташ,
Сан дагчу кхеташ хьан безаман нур.
 
Х1у дийр ду техьа соьх, х1у хир ду техьа хьоьх,
Вай вовшех даккхахь вайх кха ца хетачара,
Ловр дац аса иза, ловр дац иза аса,
Хьоьх йалахь хьомениг хир ду и суна ялар.

Мел хаза дара кхоллалуш безам,
Вай дийцина хабарш, кехаташ хьан,
Ас хийла Деле доьхура, ларбехьа сан безам,
Кхоьруш б1аьрг хиларна, гаттдеш сай са.
 
Сай деррига дахар ду ас хьуна лоруш,
Цхьа дехар ду сан хьоьга ца валар соьх,
Сан денош, сан г1енаш доьлху хьо оьшуш,
И бала токху ас хьоьх ойла еш.