Глас 8
Преподобне отче Сергие, мира красоту и сладость временную отнюдь возненавидел еси, монашеское житие паче возлюбив, и Ангелом собеседник быти сподобился еси, и светильник многосветлый Российския земли, чудесми якоже второе солнце сияя. Но всех нас поминай, совершающих священную память твою: мы бо чада твоя, и овцы твоих учений, и тя на помощь призываем, просящи тобою прияти мир и велию милость.