Лаьттан букъ т1а хьо, са Даьхе, ецаре,
1а хьай безам сона хьа ца теларе,
Хург ма яр со ткъамаш доаца лаьча мо,
Ахкан дийнахь хичур баьккха чкъаьра мо.

1а низ телаш ловзабувл са шаккха ткъам,
Аз к1аьд ца луш даим бергба Даьхен хам,
Яхарг я со хьа малх сийрдаг1а къагара,
Лаьтта мел вар сай Даьхенах хьегара.

Наьна-лоамаш загг1е делаш децаре,
Лоам чу декаш лоаман иллеш децаре,
Хург ма яр со маьлхах хьега зизилг мо,
Дог г1оздаккха г1озал йоацаш б1аргаго.

Ер сай лоамаш доал де сайга денначоа,
Лоамаш бахьан эсал воацаш венначоа,
Гораувтташ аз дег т1ара баркал оал,
Укх са дега х1ара син пха лоамех боал.

Са къам массаза мехко лоарх1аш децаре,
Ший йо1 хеташ со цо хьесташ йецаре,
Хург ма яр со герз 1окхесса салте мо,
Илли доацаш ткъамалдаха б1аргаго.

Хьа сий лорош низ хургба са ягара,
1аьрчча бус а беттал сийрда къагара,
Хьох д1ахьада ираз сона эшаш дац,
Ший къам доацар, ший мохк боацар вахаш вац.