Мин кыракый дэриэбинэм устун оргууй бу иһэбин.
Буору бурҕатан массыына аттыбынан айаннаата.
Күлүмэҥҥэ, бырдахха сиэтэ-сиэтэ, күөлбэр сөтүөлээтим.
Өҥүрүк куйаас, бүгүн ардах түспэт.

Киэһэ буолла, уу чуумпуга чаҕылыҥныыллар түннүктэр.
Соҕотохпун уулуссаҕа, таһырдьа ким да көстүбэт.
Арай биир эмэ итирик киһи уу чуумпуга хаһыытыыра.
Дууһатын кэпсиэн баҕарар да, истэр киһи суох.

Мин кыракый дэриэбинэм устун оргууй хааман иһэн,
Барыахпын баҕардым улахан ыраах куоракка,
Ол эрэн, мэлдьи күн ахсын ахтыаҕым, саныаҕым
Эйигин, мин кыракый дэриэбинэм...
Ол эрэн, мэлдьи күн ахсын ахтыаҕым, саныаҕым,
Эйигин, мин кыракый дэриэбинэм...
Эйигин, мин кыракый барахсаным...