Музыка Азрета Байчорова, стихи Ибрагима Аппакова.

Арыгъаннга джокъ солуу,
Бошалгъынчы джол.
Бошалмаса уа джолу,
Тириледи ол.

Биз сюйген джашау бёлум
Кюрешсиз болмаз.
Ёмюрге салгъан джолум
Тюз, сыйдам болмаз.

Этсе да бетни буршу
Джыл бёлек - къызгъанч.
Бюксе да джерге бушуу,
Тюзетир къууанч.

Чыртда болмасын къуу-шуу
Адамны кёлю.
Таууна кёре - къушу,
Халкъыча - тёлю.

Арыгъан, джырлай солу,
Атланырча бол!
Джокъду джашауда солуу,
Бошалса да джол.