Ծածանվում են դրոշները ազգային,
Արև ծագեց Արարատի գագաթին,
Ցնծություն է. Հայաստանը ազգովի
Սպասում է իր Անդրանիկ զավակին:

Ճիշտ ժամանակն է, արի՛, զորավա՛ր,
Քեզ են սպասում քաջեր անհամար,
Դեպի Մուշ-Սասուն, դէպի Գանձասար,
Դեպի քաջ Զեյթուն, Մուսա լեռ մեզ տա՛ր:

Կրկնվում է պատմությունը հայ ազգի,
Անկախության շեմին ենք մենք բաղձալի,
Պատրաստ ենք և ունենք ուժեր հուսալի,
Առաջնորդի՛ր, Հայոց արծի՛վ պանծալի:

Ու երդվում ենք, քանզի ուրիշ ճար չկա,
Առաքելոց Մշո Սուրբ վանքը վկա,
Քո աճյունին հաղթանակներ տանք ընծա.
Փառքը միայն հաղթանակով ետ կըգա: