Барады аулым көшіп Қызылжарға, 
Таң атар, шолпан туып, сызылғанда, Көзіңнің мөлдірін ай. 
Осы әнге тамылжытып сала берем, 
Көңілім өзіңді ойлап бұзылғанда, Көзіңнің мөлдірін ай. 

Қайырмасы: 
Құландай жүйрік майда жал-ай, 
бар ма екен біздей ынтызар-ай, 
Ішінде топ қарағай уәделескен, Көзіңнің мөлдірін-ай. 

Ел алды қарайғанда қамыс қалды 
Ауылы қалқатайдың алыс қалды, Көзіңнің мөлдірін-ай. 
Ауылға алыс қалған қарай-қарай 
Қайрылып қаршығадай мойным талды, Көзіңнің мөлдірін-ай 

қ-сы 

Ұшады аққу көлден қайраңдаған 
Дариға, өткен өмір айналмаған, Көзіңнің мөлдірін-ай. 
Ауылға алыс кеткен, қимас қалқа 
Жүзіңді сағындым ғой жайраңдаған, Көзіңнің мөлдірін-ай. 

*Халық әні*