Чокшнень моро (исполнитель: Лияна Бакайкина)
ЧОКШНЕНЬ МОРО (Людмила Рябова) Чольдердиця лейнесь Матедевсь умок. Пиже пря килейнесь Тошказевсь: «Удок…». Удок, иля пеле, Вакссот улян мон. Кадык Модась вели, Канды тантей он. Удок, удок, мадть, пейделькам, Утю-балю-ли. Сырнень венчсэ сэнь менельга Удомась уи. Удок, удок, седейпелькскем, Тештинем, удок. Кадык ковось нурси велькссэть, Ожо умарь прок. Пелиця нумолнэсь, Сеяк неи он. Мадсь вармань коволнэсь. Мекс а удат тон? Удок, удок, мадть, матедевть, Сельминеть конить. Зярдояк иля сэреде, Пурнак ламо вийть. Удок, удок, седейпелькскем, Тештинем, удок. Кадык модась нурси эйсэть Чевте лавсьсэ прок.