1. Сиңа мактау сүзләремне
Җыр юлларына салам
Авылдашлар һәммәгезгә
Ялкынлы кайнар сәлам

КУШЫМТА:
Тырыш уллар үстергәнгә
Таралды шөкер даның
Горурланам синең белән
Әй минем Шыгырданым

2. Шыгырданның гүзәллеген
Туя алмыйм һичтә мактап
Ярым айлы мәчетең тора
Яман эшләрдән саклап

КУШЫМТА:
Зур түгел синең исемең дә
Шуңа Кече Шыгырдан
Яши синдә хезмәт куеп
Бердән булып дус-туган

3. Карлы буе куя таллар
Бизи Шыгырданымны
Сиңа диеп атап яздым
Тыңла шигырьләремне

КУШЫМТА:
Урамыңнан ашыкмыйча
Йөримен вак-вак атлап
Яшисең һаман онытмый
Яшьлек эзләрен саклап