Сога ладог1а дега мерза, са йижарий, вежарий
Шун сий лаьрха аз д1аоала, ер хоза г1алг1ай илли
Лакха лоаттадеш къаман сий, хьай къонахий, мехкарий
Сийленца кхехкаш да шун пхаьнаш, яхь, деналца д1айха ц1ий.

Ер илли, сай илли, аз шоана хетаду вежарий,
Денал, майрал, шоашца дола г1алг1ай дизза къонахий.

Малха хьалбоала ший сердалца, вай Г1алг1айче даькъал еш,
Седкъа ара боала х1ара г1алг1ачунна беттал бийса даькъал еш,
Вай ловзар, тоха ког, лакха айдеш керар дог, турпал дай сий лакхале
Т1ехьален даима лоаттае.

Ер илли, сай илли, аз шоана хетаду вежарий,
Денал, майрал, шоашца дола г1алг1ай дизза къонахий.

Баркал оал аз турпала къама дукха дезаш даггара,
Даьра ва са къонача дега, хамсара, х1ара г1алг1а,

Ер илли, сай илли, аз шоана хетаду вежарий,
Денал, майрал, шоашца дола г1алг1ай дизза къонахий.