Айлчилж ирсэн зүүд чихэнд шивнэсэн үг
Амьсгаа даран байж сонссон зүрх
Эргэж харах бүрд биелэлээ олсон зүүдхэн билээ
Хэн хэлж чадах вэ?

Төөрч явсан салхины аялсан аялгуу
Тэнгэрт ганцаардаж үлдсэн үүл
Дэвтэрт бичсэн миний хэдэн шүлгийг уншаад
Уяран асгарсан

Сэрж чадамгүй дурласан зүрхээ
Сэтгэлдээ би яаж ойлгуулах вэ?
Сэвтээж боломгүй нандин хайр минь
Чамгүй яаж биелэх вэ?
Дурлал чи надаас юу хүснэ вэ?

Нууцлаж болдоггүй хайр зүрхэнд минь цохилсоор
Нуурын эрэгт биднийг дуудсан
Зөөлөн урсгалд цагаан далбаат завь хөвсөөр
Алсын замд далласан

Хайраа илчилсэн үгийг чинь би сонсоод
Харцаа салгаж ядан зогссон
Холдохын аргагүй зүүд намайг ховсдож
Тэнд үлдэхийг ятгасан

Сэрж чадамгүй дурласан зүрхээ
Сэтгэлдээ би яаж ойлгуулах вэ?
Сэвтээж боломгүй нандин хайр минь
Чамгүй яаж биелэх вэ?
Дурлал чи надаас юуг хүснэ вэ?

Сэрж чадамгүй дурласан зүрхээ
Сэтгэлдээ би яаж ойлгуулах вэ?
Сэвтээж боломгүй нандин хайр минь
Чамгүй яаж биелэх вэ?
Дурлал чи надаас юуг хүснэ вэ?

Дурлал юуг хүснэ вэ?
Сэтгэлдээ би яаж ойлгуулах вэ?
Сэвтээж боломгүй нандин хайр минь чамд яаж хэлэх вэ?
Дурлал чи надаас юуг хүснэ вэ?