...ӘНИ, ДИП,ЙӨРӘККӘ ЯЗЫЛГАН
Кешелекне дәвам иттерүче,
Ул безнең кадерле әниләр.
Изге зат, изге җан җир йөзендә,
Фәрештәгә сезне тиңлиләр.

КУШЫМТА:
Бөекләрдән-бөек, иң матур сүз,
Әни дип, йөрәккә язылган.
Мәрхәмәтле булган шушы хисләр,
Ул безнең җаннарга салынган.

Шәфкатьле, бердәнбер олы йөрәк,
Ул синдә, тик синдә, әнием.
Моң булып агыла җаннарымнан,
Хөрмәт хисем, олы сөюем.

Сәламәтлек, озын гомерләрне,
Телим сиңа таңнар атканда.
Тәрәзләрдә утың һич сүнмәсен,
Яннарыңа саг(ы)нып кайтканда.