Музыка і словы народныя 

У каралеўскім войску конікі іржуць
У каралеўскім войску конікі іржуць
А ў пана Лацмана дзевачка плача
Дзевачка ўсё плача, замуж ня хоча

Цыц жа ты, дзеванька, плачаш ты чаго
Вазьму цябе замуж за слугу свайго
Яму варыць будзеш, а мне падаваць
Яму пасьцель слаці, а са мною спаць

А, пану мой, пану, бадай ты прапаў
Раз такую долю ты мне пазгадаў
Не насіла маці мая двух паясоў
Не любіла маці дваіх мужыкоў

Каму варыць буду, таму падаваць
Каму пасьцель слаці, з тым і буду спаць
У каралеўскім войску конікі іржуць
У каралеўскім войску конікі іржуць.