1. Уульнцар йовхла,
Кесг таньл әмтн харһна,
У цаһан седклән бүлән хәләцәр медүлнә,
Өөрдҗ ирхлә, түрүн болҗ келнә:
Давтвр: — Мендвт, ямаран бәәнәт?
- Мендвт, гем уга, сән, хуучарн бәәнәв би.
- Менд, ямаран бәәнәч?
- Менд, эн-терго сән, эрүл-дорул бәәнәв би.
Өөрхн улсин мендинь сурхнчн,
Ахнр-дүүнрин седклинь таалулхнчн.
2. Медәтә аав таварн һаза амрчана,
Сәәхн ээҗ өөрнь баран болҗ сууна,
Мендлхәр өөрднәв,
Түрүләд сурҗанав:
Давтвр: — Мендвт, ямаран бәәнәт?
- Мендвт, гем уга, сән, хуучарн бәәнәвдн.
- Менд, кукн, ямаран бәәнәч?
- Мендвт, эн-терго сән, эрүл-дорул бәәнәв би.
Өөрхн улсин мендинь сурхнчн,
Ахнр-дүүнрин седклинь таалулхнчн.
Мендлхән бичә марттн,
Амр үгмүд тодлтн:
Давтвр: — Мендвт, ямаран бәәнәт?
- Мендвт, гем уга, сән, хуучарн бәәнәв би.
- Менд, ямаран бәәнәч?
- Менд, эн-терго сән, эрүл-дорул бәәнәв би.
Өөрхн улсин мендинь сурхнчн,
Ахнр-дүүнрин седклинь таалулхнчн.