Ээҗин зальврлһн
Үгнь: Хатуһа Сенән Сүкә/ на стихи Хатуева Николая Сеняевича, на мотив Маанин магтала

Дүүвр сәәхн җилмүд
Дөрлдәд, дөглцәд давцхав.
Үлдсн насан эдләд,
Үрн – садан дөңнәв.

Давтвр:
Ом мани пад ме хум/4д.

Альвн ачнр – зеенрән
Альхн деерән өскнәв.
Уха, тома зааҗ,
Уңгинь батлҗ сурһнав.

Давтвр:

Ачнрм олн болтха,
Аавиннь нер дуудултха.
Арслңгин чидлтә болтха,
Атхсан бичә тәвтхә

Давтвр:
Ээҗдән эңкр зеенрән
Элкндән шахҗ таалнав.
Наһц -  аавнь йөрәтхә,
Наснь ут болтха!

Давтвр:

Ааав – ээҗнь зальврҗ
Ачнр – зеенрәрнь байрлтха.
Көл -  һаран амраҗ,
Көлсән арчад суутха.

Давтвр:

Теңгр - Бурхд хәәрлҗ,
Тегш өсәд бостха.
Эврә – күүнә гилго
Эрүл – менд йовтха.

Давтвр: