♫        Такмаксем. 
                      Вирял ташши. 

Сакки сарă сарлака.
Пире ларма юрать-и?
Сирн пек ырă çын умěнче
Пирн ташлама юрать-и?

   Гармонист, купăс çине
   Лента хума юрать-и?
   Эс каланă кěвěпе 
   Пирн ташлама юрать-и?

Эпир ташша тухсассăн
Сар кайăк та вăтанать.
Турат çинчен вěçсе анса
Çулçă айне пытанать.

   Кěтěм кайрăм пахчине
   Йывăçшăн мар, улмишěн.
   Килтěм-кěтěм çак киле
   Ăшшишěн мар, кăмăлшăн.

Иртсе иртсе пыраççě
Чухăн çынăн кунěсем.
Калла çаврăнса килмеççě
Вун çич çулхи ěмрисем.