♫     Çĕрпӱ ташши  
                      (хĕрсем ташлаççĕ) 

Эпир апла марччĕ ха,
Эпир капла марччĕ ха.
Ташă хĕрне тухсассăн  та
Пултараканччĕ ха.
≈
Пурçăн  тутăр çыхар и,
Вĕçне усса ярар и.
Малтан пăхса тăрар и те
Кайран ташша ярар и.
≈
     Шыв ăсса кăна тăраттăм
Умра тараса пулсан.
Ташласа кăна тăраттăм
Савни гармонист пулсан.
≈
Анне  мана çуратрĕ,
Çуратрĕ те юратрĕ.
Ĕç ĕçлеме вĕрентиччен
Юрра – ташша вĕрентрĕ.
≈
Анне тутăр илсе пачĕ
Вĕлтĕртетсе юрлама.
Атте пушмак илсе пачĕ
Тапăртатса ташлама.
≈
Сĕтел тăваткал пулать, 
Ури тăваттă пулать.
Эпир кунта ташлани те
                     Сире асăмра юлать