Силерге мен ынак чордум,
чажырбас мен.
Чуртталгамдан, бурганымдан
артык деп боор.
Салгын кылдыр хуула бергеш
чаныңарга
Салгап, хадып чоруурумну
күзеп чордум.
Ынчалза даа эскербээн сен

Ишти-хөңнүм ажытпаан мен,
ынчалза-даа,
Илдең, көскү шырайымдан
билген силер,
Менээ база ынаанарны билип чордум,
«Аас-кежиим тыпкан мен!» -
деп, бодап чордум.

Ындыг эвес, үе келген,
билдингир-дир
ынакшылым, аас-кежиим
чоруй барган,
Сактыышкынга, мунгаралга алыскаштын,
Сагыш сеткил саарзыкталып аарбышаан.