Алтаргана

Аянга дуунда мүнхэрhэн
Алтан шарахан алтаргана
Арадайм соёлые hэргээhэн
Ашатай наадан алтаргана
                     Эрье дэнжые эреэлэhэн 
                     Эрбээхэй шарахан алтаргана
                     Эртэнэй соёлые hэргээhэн 
                     Эрхим наадан алтаргана
Уулын хажууе шэмэглэhэн 
Улбар шарахан алтаргана
Урданай соёлые hэргээhэн 
Уянга дуунай алтаргана
Хадын хажууе бүрхөөhэн 
Харгана эшэтэй алтаргана
Харихан холодоо суурхаhан
Хамагай наадан алтаргана