IQ48 > Вясна-красна (акорды)
Заблішчэла ў вокнах, запахла паветра,
Зіма адыйшла, і ўсё бліжэй лета.
У зубах цыгарэта, у руцэ піва,
Людзі ўсьміхаюцца, мой сябар шчасьлівы,
Дзяўчыны ганарліва скiдаюць адзеньне,
Абцасы, спадніцы, усё без сумненьняў.
Сяду на лаву, вып’ю некалькі глыточкаў.

Працы шмат, а ўсё меней ночкі.

Вясна-красна,
Я цябе дачакаўся!
Цяжка было,
Але я не хаваўся!
Вясна-красна,
Я цябе дачакаўся!
Цяжка было,
Цяжка было,
Цяжка!

Выпушчу на волю ўсё сваё вар’яцтва.
Гляджу — а ў небе журавінае брацтва.
У сьветлым касьцюме сур’ёзны мужчына
Кветкі нясе на спатканьне з жанчынай.
Садова-агародны сэзон у разгары,
У мясцовых п’яніц пасьвятлелі твары,
Бегаюць дзеці, крычаць ганарліва,
Смачна заходзіць сьветлае піва!

Вясна-красна,
Я цябе дачакаўся!
Цяжка было,
Але я не хаваўся!

Вясна-красна,
Я цябе дачакаўся!
Цяжка было,
Цяжка было,
Цяжка было, але я не хаваўся!

(граецца, як першыя куплет і прыпеў)
Вясна-красна. Кветкі на дрэвах,
Трактары ў полі, людзі на пасевах,
Крутыя на машынах, шпана на лісапедах,
Бабкі танчаць брэйк-данс у кедах,
Сонца вясёлае пячэ ў плечы,
Добрае надвор’е, якраз для сустрэчы.
Цяжка было, але я не хаваўся!
Мая вясна, я цябе дачакаўся!