Нишләдек без, иркәм, нәрсә булды,
Кайда хәзер матур ул төннәр?
Ни сәбәпле мине ташлап киттең,
Кем гаепле моңа, әйт, кемнәр?

Кайтырсыңмы син, иркәм,
Нишләргә соң, мин көтәм.
Безгә тагын кавышырга 
Мөмкинлекләр бар микән?

Сагышлардан янган чакта син юк,
Кайгы-хәсрәт килсә, нишләрмен?
Яратам бит мин сине,кадерлем,
Уйлыйм сине көнен-кичләрен.

Кошлар да бит нәкъ безнең шикелле,
Ләкин тату гомер итәләр.
Әйдә әле без дә моннан ары
Мәхәббәткә куймыйк киртәләр.