Көтә белгәннәргә генә​
Сөю була икән бүләк.
Өзелеп көтәм сине мин дә
Көтәм төштә , көтәм өндә
Миңа бит син бигрәк кирәк.
              Бәхет алмалары берәр
              Кызарыплар төшсен иде .
              Алларыма минем дә бер
              Өзелепләр төшсен иде.
Ымсыныплар  өмет итәм 
Ошанычын көтә йөрәк.
Сабырлыгым җитәр бәлки
Кил син миңа , кил син тизрәк.
Бәхет миңа бүген кирәк.
              Бәхет алмалары берәр
              Кызарыплар төшсен иде .
              Алларыма минем дә бер
              Өзелепләр төшсен иде.
Бәхет алмалары никтер
Өлешләргә  төшә сирәк .
Мине берук чит итмә син
Мәхәббәтле булсын йөрәк.
Син бит миңа бүген кирәк.
              Бәхет алмалары берәр
              Кызарыплар төшсен иде .
              Алларыма минем дә бер
              Өзелепләр  төшсен  иде