Ногайдынъ ери коьп эди

Ногайдынъ ери коьп эди 
Оькинишке аз ер калды
Тоьсинде малы коьп эди
Олардан энди не калды
Ногайдынъ саны сан эди
Сансызлар санап болмастай
Колында мадар бар эди 
Мадарлы енъип болмастай

Ордамнынъ Явы коьп эди
Йыйганды бузып болмастай
Иштеги дава мол эди
Бузганды йыйнап болмастай
Ногайдынъ куьни бар эди 
Баскады кулы эткендей
Ногайдынъ куьни бар энди
Куллары ога куьлгендей


Баьтирли ногай Ким эди
Оькирип турган аювдай
Баьтирсиз ногай Ким энди
Оькирип турган баладай
Тарыйхлы ногай Ким болды
Такырга баткан кайыктай
Таьрийхи онынъ не болды
Иесиз калган байлыктай

Ордамнынъ басы хан эди
Олтырып соьзин айтаган
Ордамнынъ иши халк эди
Куватын яйып яшаган
Ордамнынъ басы Ким энди
Халкымды йыйып болмаган
Ордамнынъ иши ел энди
Бозлавын айтып коймаган

Зухра Булгарова