Музыка и стихи Сапара Узденова.

Эсни джыялмайма –
Шашыб къалалмайма
Излемими баджармайса да.
Тюшчюн, тюшчюн бери булутдан,
Этме мени сен джанымдан.
Сен ийнан, безгенме аллынга къарай.
Эсими алгъанса сен джангы къарлай.
Бир айтчы манга, о некди алай.

Мени къыстамайса,
Игисин айтмайса.
Сагъыш кёлге кёмнгенсе терен.
Эшта, болурму сени бир башханг,
Сойма былай, къой, этме харам.
Сен ийнан, безгенме аллынга къарай.
Эсими алгъанса джап-джашил джазлай,
Бир айтчы манга, о некди алай.

Юшютюб къоймачы,
Эритиб къоймачы.
Мылы, исси кётюрмейди джан.
Энтда толуду сагъыш бир кемсиз.
Джокъ эсенг сен, кимме сенсиз.
Сен ийнан, безгенме аллынга къарай.
Эсими алгъанса сен джайгъы танглай,
Бир айтчы манга, о некди алай.

Насыб джокъламайды,
Разылыкъ айтмайды.
Излемиме болгъанды сансыз.
Кёк да бурубду ма бюгюн сыртын,
Ол да сенлей, о нек болду тынг.
Сен ийнан, безгенме аллынга къарай.
Эсими алгъанса сен джангы джыллай,
Бир айтча манга, о некди алай.

Элде туралмайма,
Не шахарланмайма.
Тансыкълыкъдан болгъанма арсар.
Джыкъма, джыгъылтма мени къаргъышха
Анам кечер, о джыкъ алгъышха.
Сен, ийнан, безгенме аллынга къарай,
Эсими алгъынса джаз джабалакълай,
Бир айтчы манга, о некди алай.