Өмірдің қаққан есігін арман туған жер,
Үкілеп таққан есіміңді алған туған жер,
Шырылдап жатқан бесігім қалған туған жер.

Балғын денем балқыған, шат көңілім шалқыған туған жер,
Анашымның ақ сүті-ау топырағынан аңқыған туған жер.
Ойын қуып аунаған, жүрегімді-ау баураған туған жер,
Кең даласы-ау әкемнің құшағынан аумаған туған жер.

Асқар тау атам малын да баққан туған жер,
Ақ жүрек әжем барын жаратқан туған жер,
Келер деп ботам, дамылдап жатқан туған жер.

Балғын денем балқыған, шат көңілім шалқыған туған жер,
Анашымның ақ сүті топырағынан аңқыған туған жер.
Ойын қуып аунаған, жүрегімді баураған туған жер,
Кең даласы-ау әкемнің құшағынан аумаған туған жер.

Балғын денем балқыған, шат көңілім шалқыған туған жер,
Анашымның ақ сүті-ау топырағынан аңқыған туған жер.
Ойын қуып аунаған, жүрегімді баураған туған жер,
Кең даласы-ау әкемнің құшағынан аумаған туған жер.