Иры лæппутæ Донаймæ куы цæуынц,
Сæ уарзон чызджытæ сæ фæстæ куы кæсынц…
Ныййарæг мадæлтæ цæстыссыг куы калынц.
Фæндараст, фæндараст, иумæ сын куы зæгъынц!

Æрджынарæгæй ма уæд иу каст фæкæнынц,
Тæтæртуппыл сæ мадæлтæ фæдзæхсынц,
Сæмбæлут дзæбæхæй, сæмбæлут фæзæгъынц,
Уæ фæстæ фæндыртæ уæ зарæг фæцæгъдынц!

Уæ нывондæгтæ хизынмæ куы цæуынц,
Уыдон сымахмæ æнхъæлмæ куы кæсынц,
Сæмбæлут дзæбæхæй иууыл хæдзармæ!
Мах рацæудзыстæм хуынтимæ уæ размæ!

Чызджыты дзæбæхтæ æнхъæлмæ куы кæсынц,
Уыдон уе ’рцыдмæ цæттæтæ куы кæнынц,
Уæ нывондæгтæй уын куывдтæ уæд кæндзыстæм!
Заргæ ’мæ кафгæйæ уæд иумæ цæрдзыстæм!

Слова и музыка народные

«Музыкальная культура осетин» © 2013
 [bad word] ossmus
¯¯\/¯¯¯¯¯¯¯¯¯
☻/
/▌
/ \