Навальніца - чорнае неба 
І маланкі скачуць па ім 
Ільецца дождж і нічога не бачна, 
Вые вецер у шчылі хацін. 

Не гнявіся, Пярун-Навальнічнік, 
Не нясі агонь на нас зверху, 
Не палі полымем нашы хаты. 
Ад цябе больш нічога ня трэба. 

Адыйдзі ад нашае вёскі, 
Не патрэбны нам маланкі ліхтар. 
Бо Ты ж ведаеш як страшна, 
Калі ў вёсцы пачаўся пажар. 

Адыйдзі на лес і таньчы. 
І маланкі кідай у гушчар, 
Бо Ты ж ведаеш як страшна, 
Калі ў вёсцы пачаўся пажар.