Ана туралы жыр

с. Ғ.Қайырбеков
ә. Ш.Қалдаяков

Әлемнің жарығын
Сыйладың сен маған
Даланың әр гүлін
Жинадың сен маған
Сен берген құстардың
Қанатын самғаған
Балалық құштарым
Өзіңе арнаған

Әлдилеп аялап
Өсірген жемісің
Самал жел, сая бақ
Құшағың мен үшін
Есейіп кетсем де
Мен саған сәбимін
Көңіліңді көктемдей
Көзіңнен танимын

Өтеуге борышын
Анашым, жан сырым
Іздедім сен үшін
Әлемнің асылын
Әлемнің байлығын
Сыйлар ем кеш мені
Қолыма түспеді
Сыйлар ем ,ай, күнін

Әлдилеп аялап
Өсірген жемісің
Самал жел, сая бақ
Құшағың мен үшін
Есейіп кетсем де
Мен саған сәбимін
Көңіліңді көктемдей
Көзіңнен танимын

Ете гөр қанағат
Әзірге берерім
Балалық махаббат
Балалық жүрегім
Бол риза, анашым
Қолдағы осы бар
Өзіңе арнаған
Әнімді қосып ал

Әлдилеп аялап
Өсірген жемісің
Самал жел, сая бақ
Құшағың мен үшін
Есейіп кетсем де
Мен саған сәбимін
Көңіліңді көктемдей
Көзіңнен танимын

Өтеуге борышын
Анашым, жан сырым
Іздедім сен үшін
Әлемнің асылын