Світит місяц над горами повньом о півночи,
А мій милий-премилений смотрит в мої очи.
Што там видиш, што там видиш, любiв фалечнику?
Виджу, виджу в твоїх очах мiлость превелику.

Лем же заран, на якій час їду в Гамерику,
Будеш ждава ня так довго у даль превелику?
Буду ждава, буду ждава, хоц би до старости,
Так тя любю, міе сердце, што вмерам з любости.

Світит місяц над горами, світит понад моря, 
Миленькому на чужині дай Боже здоровя.
Світ місячку, світ місячку на моря, на ріки,
Най мій милий за два рочки верне з Гамерики.

Світит місяц над горами, небо косит коса,
Тихо, тихо журчит річка, сріблом блищит роса.
Світ місячку, світ місячку на гори, на ріки, 
Най мій милий юж за рочок верне з Гамерики.