Әгәр бик-бик теләсәң, 
Күктән бәхет яңгырын коярга була ул,
Көзге салкын төннең дә
Бик назлы икәнен тоярга була ул,
Яратып карасаң...

Яратып карасаң,
Яратып карасаң,
Бар дөнья да матур ул.

Җан сөйгән ярны гына
Чын йөрәктән сөеп иш итеп була ул,
Сап-салкын боз эченд?
Кап-кайнар йөрәкне ишетеп була ул,
Яратып карасаң...

Яратып карасаң,
Яратып карасаң,
Бар дөнья да матур ул.

Бәхеттән шашканда да
Татлы күз яшенә чыланып була ул,
Болытка качып кына
Елмайган кояшта җылынып була ул,
Яратып карасаң...

Яратып карасаң,
Яратып карасаң,
Бар дөнья да матур ул.