Ауылым көшіп барады белден асып,
Белден асқан бұлтпенен араласып-ай.
Аулың алыс кеткенде, әй, қарағым,
Ақ қағазбен жүрелік амандасып-ай.

Қара-ай көзім,
Бар ма есіңде сондағы
Айтқан сөзім-ай.

Ауылым көшіп барады лай көлге,
Шағи бешпет жарасар қынай белге-ай.
Аулың алыс кеткенде, қара көзім,
Көз жасыңды көл қылып жылай көрме-ай.

Қар-ай көзім,
Бар ма есіңде сондағы
Айтқан сөзім-ай.