1) Ярлардан ярлар күренми, су өсләре – ак томан.

Чыгарсың кебек йөгереп шул ак томан артыннан.

Дәшсәм ишетәрсе кебек, кул сузсам да җитәр күк,

Сагышымны аңа салсам, томан алып китәр күк.

кушымта:

Томаннар аерып тора, томаннар тоташтыра,

Томаннар артыннан таба сиңа хисләр ашкына.

Томаннар аерып тора, томаннар тоташтыра,

Томаннар артыннан таба сиңа хисләр ашкына.

2) Килер синең дә хисләрең – томаннар килер алып.

Җибәр йөрәгең җылысын ак томаннарга салып.

Синең ярда ничек икән? Минем ярда ак томан.

Сине күкрәгемә кысып томанда басып торам.

кушымта:

Томаннар аерып тора, томаннар тоташтыра,

Томаннар артыннан таба сиңа хисләр ашкына.

Томаннар аерып тора, томаннар тоташтыра,

Томаннар артыннан таба сиңа хисләр ашкына.