Кэрэ кыыс, эйиэхэ
Тапталы мин этиэм,
Этэр тыл кэрэтин
Эгэлгэ бэйэтин.
Нарынын, намчытын
Эйиэхэ эрэ анааммын,
Сүрэҕим чопчута —
Кыыс Амма.

Кэрэ кыыс, мин диэки
Эйэҕэстик эн көрүүй,
Истиҥтэн истиҥник
Эйэҕин этиий.
Намыыннык, намчытык
Миэхэ эрэ анааҥҥын,
Сүрэҕим чопчута —
Кыыс Амма.

Ахтылҕан аргыстаах
Ырыабын эн иһит.
Үйэлээх тапталы
Сүрэххэр эн иҥэр.
Нарыннык, наҕыллык
Үйэлэргэ уста тур эн,
Сүрэҕим чопчута —
Кыыс Амма.