Туох диэммин мин эйиэхэ этиэмий?
Дорообо, доҕоччуок! Дорообо!
Көрсүбэтэх өр буолла, сэһэҥҥин
Тоҕо тардан кэбиһиий. Сэһэргээ.

Хос ырыата:

Доҕоччуок, эн биһикки
Ахтыспыт да эбиппит.
Бииргэ сылдьар биир бэлиэтэ —
Эдэр сааспыт эйэтэ.

Дойдуҥ дьоно олорор үчүгэй,
Үлэ-хамнас үгэнэ, эйиэхэ
Ол төрөөбүт-үөскээбит, үөрэммит
Алааһыҥ эҕэрдэтин аҕаллым.

Хос ырыата.

Туора сир диэн буолуо дуо бу дойду,
Дьонуҥ сирэ дьоһуннаах дойду эбит.
Көрөн, үөрэн долгуйан ыллаатым —
Доҕорбор бу кэһии буоллаҕа.

Хос ырыата.