Сарсыарда үлэбэр тиэтэйэн
Боруокпун атыллыах буолабын,
Ким эрэ кэннибэр айманар,
Тэллэхтэн тардыһар, сайыһар.

Кыра-кыра, кып-кыра,
Мааны-мааны, мап-мааны,
Сүүрэр-көтөр туллукчааным,
Кыччыгый кыысчааным.

Кэбис даа, сыллыыйым, тутума,
Аҕаккаҥ үлэҕэ тиэтэйэр,
Кэлин эн эмиэ улаатыаҥ,
Үлэҕэр тиэтэйиэҥ-саарайыаҥ.

Кыра-кыра, кып-кыра,
Мааны-мааны, мап-мааны,
Сүүрэр-көтөр туллукчааным,
Кыччыгый кыысчааным.