Rinne mé smaointiú i m'intinn 
Is lean mé dó go cinnte 
Go n-éalóinn ó mo mhuintir 
Anonn chun 'Oileáin Úir 
Tá mé ag déanamh impí 
Ar an Ard-Rí 'tá 's mo chionn-sa 
Mo choinneáil ó gach tubaiste 
Go gcríochnóinn mo shiúl 
  
Shiúil mé fiche míle 
'S níor casadh orm Críostaí 
Capall, bó nó caora ag déanamh 
Inghilt ar an fhéar 
Coillte dlúth' is gleanntáin 
Agus búirtheach beithigh allta 
Fir is mná gan tant orthu 
chasfá fá do mhéar 
  
Tharla isteach i dteach mé 
Is casadh orm daoine 
D'fhiafraigh siad mo ainmse 
Cén tír inar tógadh mé 
Dúirt mé leo i mBéarla 
Gur tógadh mé in Éirinn 
Láimh le Loch Eirne 
I gCoillidh Lios na Raoch