С нами Бог, разумейте языцы и покаряйтеся, яко с нами Бог
Услышите до последних земли, яко с нами Бог
Могущии покаряйтеся, яко с нами Бог
Иже аще совет совещаваете, разорит Господь, яко с нами Бог
Страха же вашего не убоимся, ниже смутимся, яко с нами Бог
И уповая буду на Него и спасуся Им, яко с нами Бог
Яко Отроча родися нам, Сын и дадеся нам, яко с нами Бог
И мира Его несть предела, яко с нами Бог
И нарицается имя Его велика совета Ангел, яко с нами Бог
С нами Бог, разумейте языцы и покаряйтеся, яко с нами Бог
Слава: с нами Бог
И ныне: с нами Бог
Яко с нами Бог.